07/08/2013 18:28:34

Ne Iran 7 mije centrifuga berthamore

Presidenti iranian po përpiqet të paraqesë një imazh të ri në Perëndim, ndërkohë që avancon programi bërthamor

JERUSALEM - Kryeministri izraelit, Benjamin Netanyahu deklaroi sot se Irani do të përdorte 7 000 centrifuga të reja për programin e tij bërthamor, 1 000 prej të cilave të një lloji të ri.

"Irani nuk e ka ndalur programin e tij bërthamor edhe pas zgjedhjeve presidenciale. Aktualisht, janë në punë
7 000 centrifuga të reja më moderne", pohoi Netanyahu pas njoftimeve të transmetuan nga radioja kombëtare.

"Presidenti iranian po përpiqet të paraqesë një imazh të ri në Perëndim, ndërkohë që avancon programi bërthamor", tha Netanjahu gjatë një vizite në jug të Izraelit.

"Presidenti Hassan Rohani shprehet se asnjë kërcënim nuk do ta trembë. E vetmja gjë që këto 20 vitet e fundit i ka detyruar iranianët për të ndalur programin e tyre bërthamor janë presionet dhe kërcënimet e operacioneve ushtarake të huaja", deklaroi kryeministri.

Më 14 korrik Nentayahu paralajmëroi nëpërmjet një televizioni amerikan se Izraeli mund të ndërmerrte veprime ushtarake përpara Shteteve të Bashkuara të Amerikës kundër programit bërthamor të Iranit duke e cilësuar Rohanin si "ujku i maskuar si dele" për këtë cështje.

HermesNews - ©2013

Dërgo me email | Stampo artikullin