01/08/2013 08:04:28

Shqiptari humbet në det: arratiset për të mos u martuar

Ishte zhdukur që në Mars të këtij viti: mendohet, për arsye sentimentale

ITALI - Gjendet djali shqiptar 26 vjeçar i cili u shpall i humbur në det muaj më parë pas një zhytjeje që kishte bërë në Punta Ala (Grosseto). Ai doli para karabinierëve duke u thënë se kishte jetuar në klandestinitet të plotë. Ende të paqarta motivet e arratisjes së tij, por mendohet se ai kishte vepruar kështu për t'i ikur martesës së programuar në Prill të këtij viti në Shqipëri.

Dje pasdite Xhevahir Gjuta (Jimmy), 26 vjeç i cili besohej se ishte humbur në det i dha fund aventurës së tij që kishte zgjatur katër muaj. I riu kishte lënë familjarët më 14 Mars, një ditë e enjte, gjatë një zhytjeje duke braktisur dhe makinën e tij, raportojne mediat e huaja.

Të Dielën, kushëriri që jetonte me të kishte denoncuar zhdukjen. Që prej atij momenti, kishin filluar kërkimet, në tokë dhe ujë, ditë pas dite ku morën pjesë karabinierët dhe rojet bregdetare me zhytesa në kërkim të të riut.

Dje pasdite pastaj ishte kthyer në shtëpi duke i dalë para ushtarakëve në Punta Ala. Nuk dihen motivet e kësaj zhdukejeje. I riu duhej të martohej në Shqipëri në muajin Prill dhe mbase kjo arratisje kishte arsye sentimenale.

HermesNews - ©2013

Dërgo me email | Stampo artikullin