31/07/2013 10:53:46

Durrës, plagosen katër vetë

Të shtëna me armë zjarri mbrëmë pranë stacionit hekurudhor

DURRES - Katër persona të moshave nga 50-65 vjeç janë plagosur mbrëmjen e kaluar me armë zjarri, në një nga bar-lulishtet oranë stacionit hekurudhor të Durrësit. Burime zyrtare nga drejtoria e policisë së qarkut, bënë të ditur se I. Plaku 65 vjeç, B. Luku, 55 vjeç, T. Hallulli, 50 vjeç dhe H. Lama, 55 vjeç, kanë mbetur të plagosur nga të shtënat e automatikut, në rrethana që po hetohen intensivisht nga policia lokale. Gjëndja shëndetesore e të plagosurve, që u dërguan menjëherë në spitalin rajonal, sipas mjekëve është e mirë dhe nuk përbën rrezik për jetën. Zona e stacionit hekurudhor dhe autobuzëve interurbanë në Durrës është mjaft e populluar në çdo orë të ditës dhe sipas dëshmitarëve okularë në vendngjarje, personat e plagosur ndodheshin në një nga baret e kësaj zone kur janë qëlluar me armë. Sipas të njejtave burime, forcat e rendit dhe të sigurisë gjatë natës kanë punuar për identifikimin dhe kapje e autorëve dhe rezultatet do të bëhen të njohura në orët në vazhdim.

HermesNews - ©2013

Dërgo me email | Stampo artikullin