30/07/2013 18:59:39

Makina përplaset me motokorrësen: vdes i riu

Makina aksidenton 23 vjeçarin Ildi Alsina

PEQIN - Një aksident me pasojë vdekjen e një 23 vjeçari ka ndodhur në orët e vona të një nate më parë në vendin e quajtur Kantieri i Inerteve Peqin. Sipas Policisë, "Mjeti tip Volswagen Tuarek me targa ML57 YZK, me drejtues Ymer Gjini, 32 vjeç, u përplas me një motokorrëse bari me drejtues Ildi Alsina, 23 vjeç, me banim në fshatin Gjocaj të rrethit të Peqinit". Mësohet se 23 vjeçari ka gjetur vdekjen gjatë transportimit për në Spitalin e Peqinit si pasojë e plagëve të marra në trup dhe në kokë. Nga hetimi paraprak rezultoi se ai u aksidentua per vdekje ndërsa ishte duke dalë nga një rrugë dytësore për në aksin e rrugës kombëtare Elbasan-Peqin. Si rezultat i pakujdesisë gjatë daljes në rrugën kombëtare, dyshohet se 23 vjeçari i ka prerë rrugën mjetit.

HermesNews - ©2013

Dërgo me email | Stampo artikullin