30/07/2013 08:47:18

Berisha gjen akuzën e 4 viteve

nga Doriana Metollari

HermesNews - "Rama sot pranoi botërisht se, ka vjedhur 1250 vota në Lezhë. Ai papritmas tërhoqi kërkesën e paraqitur në gjykatë për përsëritjen e zgjedhjeve në qarkun e Lezhës pasi u gjet se në 14 kuti të këtij qarku kishte vjedhur me dhunë, terror dhe para droge 1250 vota dhe natyrisht me përsëritjen e zgjedhjeve, indirekt, u kërkohej ndjese qytetarëve të Lezhës. Natyrisht, tërheqjen ai e bëri vetëm e vetëm se përsëritja e zgjedhjeve do të sillte ndëshkimin e tij shembullor nga lezhianët për vjedhjen e votës më 23 qershor dhe do hapte rrugën për përsëritjen e tyre në Shkodër ku janë vjedhur rreth 700 vota dhe në qarqe të tjera. Por pavarësisht nga kjo tërheqje, zgjedhjet e 23 qershorit, rezultati i tyre, mbeten fund e krye i manipuluar. Hetimi dhe transparenca e zgjedhjeve aty ku janë përdorur krimi dhe paratë e pista janë vendimtare për stabilitetin e vendit. Përpara për votën e lirë të shqiptareve", shkruan Berisha ne faqen e tij ne Fb.

Kryemistri i ikje Pro. Dr. Sali Berisha, nuk pranon rezultatin e zgjedhjeve dhe është përrallë që në Shqipëri përsëritet çdo katër vjet. Cdo opozitë bën të njëjtën gje. Dmth ky trinomi i fjaleve "Vjedhje - Vota - Stabilitet" është rrefren i përhershëm.

Nuk bëhet opozitë pa kvto akuza në Shqipëri. Nuk ka opozitë të mirëfilltë pa akuzuar atë që është në pushtet për vjedhje votash. Dhe në këtë supeë zien e gjithë qeverisja. Shkak për të larguar vëmëndjen nga problemet.

Në Shqipëri shoh dy kampe kryesore: të parët janë ata që nuk duan të shkëputen nga sistemi dhe bllokojnë progresin. Ky rreth vicioz ka futur brenda militantë, jo militantë dhe njerëz që kanë zgjedhur rrugën më të lehtë për t'iu përshtatur një jete që po shkatërron ekonominë dhe pjesën tjetër të qytetarëve. Ata nuk e duan ndryshimin, sepse çdo ndryshim ka kosto të lartë për xhepat e tyre. Zakonisht të tillë, nuk pranojnë mendimet ndryshe, le më të kundërta. Nuk mund të negociosh me ta, pa pranuar të gjitha kushtet që të vënë. Njësoj si të mos negociosh. E kuptojnë se çfarë ndodh në Shqipëri, kanë parë më mirë diku tjetër, por realiteti i tyre është fushë e blertë tamam kështu siç është, pra në kurriz të të tjerëve.

Pjesa tjetër nuk janë militantë. Ata duan të krijojnë një shtet të së drejtës në Shqipëri. Kanë bërë kompromise për t'u futur në realitetin e pushtetit por sot vë re se duan të krijojnë një bazë mirëqënieje në vend. Negocimi është një term me të cilin do t'u duhet të punojnë shumë sidomos me dikë që nuk është mësuar të bëjë lëshime. Kjo kategori, dikur ishte në minorancë, sot jo. Koha ka bërë punën e saj. Kjo do të thotë se njerëzit janë rritur dhe e duan Europën në Shqipëri, sepse thelbi është ky.

Ka dhe kategori të tjera, por për këto të fundin më mirë të mos flas.

Në mes janë gjithmonë njerëzit. Ata që ende nuk shohin.

HermesNews - ©2013

Dërgo me email | Stampo artikullin