27/07/2013 18:06:56

ZMK kërkon tërheqjen e fotove me karakter abuzues ndaj minorenëve

Ne qender te kritikave te zyres se konsumatoreve fotot e nje kompanie te huaj

TIRANE - Foto të papërshtatshme me elementë abuzues me pamjen e jashtme të minorenëve. Zyra për Mbrojtjen e Konsumatorëve sot ka bërë publike ankesën e një qytetari për një rast të publikimit të materialeve promocionale për veshje intime minorene.

"Një histori skandaloze në emër të promocionit dhe në rastin më të mirë të injorancës së babezisë për të fituar", në qëndër të kritikave kompania me emrin Bella Confex sh.p.k.

"Fëmijë të veshur me intime që pozojnë duke u paraqitur në mënyrë të papërshtatshme dhe fëmijë që u ekspozohen pjesë intime të trupit veshur me rroba intime. Kjo histori duhet ndaluar dhe është e papranueshme dhe skandaloze", shkruan presidenti i zyrës avokat Altin Goxhaj.

ZMK, shkruan në komunikatë se, "...do të paraqesë denoncim pranë institucioneve përkatesë nëse deri të Henen dt. 29 Korrik 2013 ora 12:00 nuk hiqen nga faqja çdo përmbajtje që shkel legjislacionin penal dhe civil dhe rrënon etikën e konsumatorëve dhe moralin publik dhe zgjidh në mënyrë të favorshme me familjet e fëmijëve problemin që u ka shkaktuar".

Komunikatë për Shtyp

Dërgo me email | Stampo artikullin