24/07/2013 14:51:08

Eagle 7, niset me mision

Gjatë trajnimit Kontigjenti Eagle-7 iu nënshtrua Kursit të Avancuar të Operacioneve Speciale

TIRANË - Në Batalionin e Forcave Speciale në Zall-Herr u zhvillua ceremonia e nisjes së Kontigjentit Eagle-7 mision "COMBAT" në Kandahar, Afganistan, i cili përbëhet nga 50 trupa të Kompanisë së Aksioneve Speciale Ajrore. Të pranishëm në këtë ceremoni ishin shefi i Shtabit të Përgjithshëm i FA, gjeneralmajor Xhemal Gjunkshi, komandanti i Forcës Tokësore, gjeneralmajor Zyber Dushku, atasheu ushtarak i SHBA-së në vendin tonë, Glenn Broën, gjeneralë, drejtorë dhe ushtarakë të tjerë të lartë të Ministrisë së Mbrojtjes dhe Shtabit të Përgjithshëm, familjarë dhe të afërm të pjesëtarëve të Kontingjentit Eagle-7 etj. Gjatë trajnimit Kontigjenti Eagle-7 iu nënshtrua Kursit të Avancuar të Operacioneve Speciale. Efektivi është trajnuar gjithashtu për çështje të operacionalitetit, zbulimit, ndërlidhjes, xhenios, shëndetësisë, armatimit etj. Ai është inspektuar dhe monitoruar nga ekipe të Shtabit të Përgjithshëm të FA dhe Forcës Tokësore. Batalioni i Forcave Speciale ka kontribuar në misione në Bosnia & Herzegovina, Irak, Afganistan, Çad etj.

HermesNews - ©2013

Dërgo me email | Stampo artikullin