23/07/2013 22:17:12

Kryeministri i zgjedhur fton për darkë krerët e komuniteteve myslimane

Rama, ''Dua t'i përcjell komunitetit mysliman shqiptar urimet më të mira për këtë muaj të shenjtë. Ju uroj mirëseardhjen dhe i falenderoj për praninë e tyre përfaqësuesit e trupit diplomatik në Shqipëri''

TIRANE - Kryetari i Partisë Socialiste, Edi Rama, shtroi mbrëmjen e së martës, në një nga restorantet e kryeqytetit, një darkë iftari, për muajin e shenjtë të Ramazanit. Të ftuar në këtë darkë-simbol, ishin kreu i Komunitetit Mysliman Shqiptar, titullarë të trupit diplomatik të akredituar në Tiranë, drejtuesit e partive aleate të PS-së, krerët e disa bashkive, etj. "Vetë liria e Shqipërisë në tatëpjetën e diktaturës komuniste u shfaq për së pari si liri e besimit me meshën historike të Don Simon Jubanit në varrezën e Rrmajt në Shkodër. Asokohe kisha e madhe ishte ende pallat sporti. Të krishterë dhe mysliman u bashkuan për të parë meshën pas një gjenerate mes engjëjve krahëthyer dhe trupshpuar prej plumbave të ushtarëve të popullit, që në ekstazën e luftës kundër fesë kishin bërë qitje mbi statujat e mermerta të varreve", tha Rama në fillim të fjalës së tij.

HermesNews - ©2013

Dërgo me email | Stampo artikullin