20/07/2013 17:39:10

Përdhunimi i vjehrrit: nusja padi në Prokurori

Denoncim në Polici për dhunën e 72 vjeçarit

KORÇË - Një kallëzim i rëndë është depozituar ne polici nga Fatime Topi, 37 vjeç, nga fshati Bitinckë i rrethit të Devollit, e cila ka denoncuar vjehrrin e saj për ngacmim seksual. Sipas dëshmisë që nusja ka bërë në polici, vjehrri ka abuzuar me të nga prilli deri në korrik të këtij viti. Policia pas arrestimit të të moshuarit ka nisur hetimet për zbardhjen e plotë të ngjarjes. Mësohet se bashkëshorti i Fatimes ishte larguar për në Greqi para tre muajsh, gjë të cilën e ka shfrytëzuar në mënyrën më të paturpshme i ati i tij. Bëhet fjalë për 72-vjeçarin Karafil Topi, i cili sipas burimeve nga komisariati, kishte kryer marrëdhënie me dhunë me nusen e djalit të tij, gjë për të cilën do të ndeshet me drejtësinë.

HermesNews - ©2013

Dërgo me email | Stampo artikullin