15/07/2013 10:19:04

Tkurret rritja ekonomike e Kinës

jatë vitit 2012, vendi shënoi një rritje ekonomike prej 7,8 për qind, duke prekur nivelin më të ulët të 13 viteve të fundit

PEKIN - Rritja e ekonomisë kineze u tkurr në nivelin 7,5 për qind gjatë tremujorit të dytë të vitit 2013, shifër kjo në përputhje të plotë me parashikimet e analistëve, deklaruan disa burime qeveritare. "Gjatë tremujorit të parë, rritja e nivelit të PBB ra në 7,7 për qind. Niveli i PBB gjatë gjashtëmujorit të parë të vitit qëndroi në 7,6 për qind", raportoi Zyra kineze e Statistikave. Gjatë vitit 2012, vendi shënoi një rritje ekonomike prej 7,8 për qind, duke prekur nivelin më të ulët të 13 viteve të fundit. Në muajin mars, Pekini shpalli objektivin për arritjen e një rritjeje ekonomike prej 7,5 për qind për vitin 2013, ashtu si në vitin 2012. Megjithatë, duket se rritja ekonomike vjetore nuk do të kalojë nivelin 7 për qind.

HermesNews - ©2013

Dërgo me email | Stampo artikullin