13/07/2013 16:22:01

Divorci, burri ther gruan

Ngjarja e rëndë ka ndodhur mëngjesin e sotëm në afërsi të sheshit

TIRANË - Një grua është qëlluar katër herë me thikë nga burri i saj në mes të rrugës “Tefta Tashko”, duke gjetur vdekjen e menjëhershme. Ngjarja e rëndë ka ndodhur mëngjesin e sotëm në afërsi të sheshit "Avni Rustemi", në kryeqytet.

Sipas burimeve policore, bëhet me dije se ka qenë Genti Çarçani, bashkëshorti i viktimës, ai që pas një zënke, ka goditur disa herë me thikë viktimën, duke i shkaktuar vdekjen e menjëhershme. Mësohet se viktima është Valbona Çarçani, 46 vjeç, ndërsa autori i vrasjes është Genti Çarçani, 48 vjeç, i cili është arrestuar nga policia në ikje e sipër.

Ende nuk janë të qarta motivet që kanë çuar në këtë ngjarje të rëndë brenda familjes. Policia bën me dije gjithashtu se çifti kishte jetuar prej vitesh në Itali, ndërsa prej gati një viti ishin kthyer në Shqipëri dhe ishin në proces divorci. Ata janë prindër të dy vajzave të rritura, ku njera prej tyre jetonte me çiftin, ndërsa tjetra jeton në Itali.

HermesNews - ©2013

Dërgo me email | Stampo artikullin