13/07/2013 16:19:57

Shkodër: arrest me burg për ngjarjen

Dy të arrestuarit për vrasjen dolën sot para trupit gjykues

SHKODËR - Tre ditë pas ngjarjes së ndodhur në fshatin Vukatanë të komunës Guri Zi, të rrethit Shkodër, ku mbeti i vrarë një person dhe u plagosen katër të tjerë, dy personat e arrestuar si të dyshuar kryesorë të vrasjes, kanë dalë sot para trupit gjykues ne gjykatën e Shkodrës. Me kërkesë të prokurores Françeska Lekani, kryesuesja e trupit gjykues, Valbona Durraj, ka dhënë masën “Arrest me burg” për të pandehurit Nikë dhe Çesk Muri, 54 dhe 23 vjeç, përkatësisht, babë dhe bir, që të dy banues në fshatin Vukatanë. Tre ditë më parë, pas një konflikti për motive të dobëta dhe perplasjeve fizike, shtetasi Çesk Muri në bashkëpunim me babanë tij Nikë Muri, ka qëlluar me armë zjarri në drejtim të disa shtetasve, me të cilet kishte lidhje gjaku, ku si pasojë ka gjetur vdekjen e menjehershme shtetasi Gjin Muri, 23 vjeç, banues në fshatin Vukatanë, si dhe ka mbetur i plagosur vëllai i tij, A. Muri, 26 vjeç, jashte rreziku për jeten. Gjithashtu gjatë përleshjes me mjete të forta janë dëmtuar lehte dhe pa rrezik për jeten, shtetasit Nik Muri, Çesk Muri dhe G. Muri.

HermesNews - ©2013

Dërgo me email | Stampo artikullin