10/07/2013 18:15:54

Berisha mbron administratën. Socialistët, ndal vendimeve

Berisha, në Europë dhe në SHBA, ka akte të qarta, të cilat ekzekutivit i lejojnë kompetenca të plota deri ditën e dorëzimit dhe të instalitimt të pushtetit të mazhorancës tjetër

TIRANË - Kryeministri Sali Berisha deklaroi sot se mazhoranca e re po tregon shenja revanshi të papranueshëm. Gjatë mbledhjes së qeverisë, Berisha se këto shenja janë dëshmi, në njërën anë, e një epshi për pushtet të papërmbajtur dhe në anën tjetër të mosdijes së rregullave të qarta. "Ajo do t’i diktojë qeverisë në detyrë rregullat e kushtetutës së Bangladeshit, por ata për të krijuar qeverinë teknike kanë rregull që qeveria dorëzon punën tre muaj para zgjedhjeve, ky model në Europë nuk ekziston", tha Kreu i Ekzekutivit.

Në Europë dhe në SHBA, ka akte të qarta, të cilat ekzekutivit i lejojnë kompetenca të plota deri ditën e dorëzimit dhe të instalitimt të pushtetit të mazhorancës tjetër. Berisha ka ftuar edhe një herë administratën të mos japë dorëheqjen, pasi sipas tij, përveç një grupi këshilltarësh të gjithë janë dhe do janë në zbatim të qeverisjes së vendit.

"Ftoj administratën të vijojë me vendosmëri zbatimin e të gjithë programit deri në ditën e vendosjes së qeverisë. Kushtetuta e ka të përcaktuar qartë kur mbaron mandati i mazhorancës që ikën dhe kur fillon mandati i qeverisë se re ashtu dhe për kryeministrat, ky është debat shterpë që ka në bazë revanshin dhe epshin për pushtet", deklaroi Kryeministri.

Duke ripërsëritur ftesën ndaj administratës që të ushtrojë detyrat e saj deri në ditën që do të vendoset, Berisha kërkoi që, "asnjë të mos japë dorëheqjen, asnjë nuk është këtu përvec një grupi këshilltarësh politik, të tjerët janë në funksion të zbatimit të qeverisjes së vendit, administrata që vjen ka të drejtat e saj të mundë marrë qëndrimet që mendon se i përshtat më shumë për të zbatuar programin e saj".

HermesNews - ©2013

Dërgo me email | Stampo artikullin