08/07/2013 16:58:14

Arrestohet i riu i dënuar nga gjykata

23 vjeçari Gerti Hysenbelliu ishte dënuar me 10 vite burg për ''plagosje me armë''

ELBASAN - Gjatë operacionit policor të koduar "Weekend 12" është arrestuar në qytetin e Elbasanit një 23 vjeçar i shpallur në kërkim, i dënuar në mungesë me dhjetë vite burg. Sipas Valbona Begut, zëdhënëse e policisë së Qarkut të Elbasanit, shtetasi Gerti Hysenbelliu, banues në këtë qytet, u arrestua pasi Gjykata e Rrethit Gjyqësor Elbasan e ka dënuar me 10 vite burg në mungesë për veprat penale “Plagosje të rëndë me armë zjarri” si dhe “Prodhim dhe shitje të lëndëve narkotike dhe trafik të llojeve të ndryshme të tyre”. 23 vjeçari rezulton me preçedentë të shumtë penalë në periudha të ndryshme dhe gjatë viteve të shkuara Hysenbelliu është arrestuar në flagrancë të paktën tre herë me drogë të llojit heroinë.

HermesNews - © 2013

Dërgo me email | Stampo artikullin