02/07/2013 14:33:30

A mjaftojnë zgjedhjet për statusin e vendit kandidat ?

Zëdhënësi për politikën e jashtme i grupit parlamentar të Partisë Socialdemokrate gjermane Rolf Mützenich flet për pritshmëritë e tij për mënyrën e qeverisjes së socialistëve shqiptarë

TIRANË - "Shqipëria e kaloi testin e zgjedhjeve, por për marrjen e statusit do të shihen edhe aspekte të tjera", shprehet dr. Rolf Mützenich, zëdhënës për politikën e jashtme i grupit parlamentar të Partisë Socialdemokrate Gjermane (SPD), në një intervistë për Deutche Welle.

Duke folur për prçesin zgjedhor në Shqiperi, Mützenich gjykon se ai rezultoi me më pak parregullsi nga sa ishte menduar fillimisht, ndërsa thotë se ''ata që e kaluan testin e pjekurisë ishin në radhë të parë zgjedhëset dhe zgjedhësit shqiptarë".

Lidhur me mundësitë e Shqipërisë për marrjen e statusit të vendit kandidat në vjeshtë, zëdhënësi i SPD-së thotë se kjo çështje duhet parë me kujdes, pasi zgjedhjet nuk mund të jenë i vetmi kriter, ka edhe çështje të tjera, të cilat duhet të jenë në fokus, veçanërisht zhvillimi i politikave sociale dhe mënyra e krijimit të qeverisë.

"Nëse qeveria e re do të tregojë mirëkuptim për forcat e ndryshme dhe do të përpiqet për gjetjen e një koalicioni më të gjerë, duke përfshirë edhe opozitën në çështjet vendimtare për fatet e vendit", shprehet Mützenich.

Sipas tij qeveria e re në radhë të parë duhet të vendosë si kriter atë që ka kërkuar nga qeveria e vjetër, që të përfshijë në proces konsensusi edhe pakicat politike.

"Vendi mund të zhvillohet vetëm nëse garantohen të drejtat themelore. Mendoj se në periudhë afatgjatë është e nevojshme përfshirja e të gjitha forcave në qeverisje. Në veçanti mendoj se gjatë viteve të ardhshme do të jetë e rëndësishme të arrihet në vend një lloj pajtimi i qartë, që shoqëria të mos jetë e ndarë në dy grupe të papajtueshme me njëri-tjetrin", thotë në intervistën e tij, zëdhënësi Mützenich.

HermesNews - ©2013

Dërgo me email | Stampo artikullin