28/06/2013 09:11:34

Cilët do të jenë ministrat dhe drejtuesit e rinj e qytetarëve ?

Rama nis sot konsultimet për Qeverine e re

TIRANE - Edi Rama nis sot konsultimet për qeverinë e re mbi bazën e marëveshjes parazgjedhore që PS firmosi me aleatet, gjithsej 37. "Pas fitores në zgjedhjet e 23 Qershorit 2013 PS, bashkëqeveris me çdo forcë politike që përfaqëson një numër votash si shprehje të vullnetit të popullit në nivel qarku nga 500 deri 1000 vota dhe në nivel kombëtar 5000 deri 10.000 vota, pa cenuar statusin e nëpunësit civil dhe në respekt të çdo ligji që rregullon marrëdhëniet e administratës publike", shkruhet në marrëveshjen e firmosur nga partitë.

Sipas marëveshjes, kur një parti merr një mandat, ajo mund të kërkojë një vend në qeverinë e koalicionit pas zgjedhjeve, por kjo duhet të konsultohet me partitë e tjera.

Lëvizja Socialiste për Integrim mund të përfitojë 5 ministri, pasi mori 200 mijë vota. Flitet se Kryetari i Kuvendit do t'i përkasë LSI-së, përpos posteve të tjera në nivel lokal.

Dy prej partive të koalicionit përfitojnë poste ministrore. PBDNJ ka fituar një mandat deputeti ashtu si Partia kristian demokrate e Shqipërisë me marrjen e një mandati.

Partia Ligj e Drejtësi ka deklaruar se ka marrëveshje me Ramën për një post në ministri. Në total, PLD ka marrë vetëm 2489 vota dhe në baze të marëveshjes nuk i takon.

Rreth 5-6 parti në koalicion, do marrin drejtues në nivel qarku.

PSD, pavarësisht një posti zv.ministri në qeveri, në qarqet e Tiranës, Lezhë, Shkodër, Fier e Elbasan, në bazë të marrëveshjes që është diskutuar në prill mund të marrë edhe poste në nivel drejtorish në rang qarqesh. Poste zv.ministrash mund të marrë edhe PBDNJ, PDS e Milos apo dhe PSV '91.

HermesNews - © 2013

Dërgo me email | Stampo artikullin