28/06/2013 07:53:51

''Shqipëria në fazë të re, shkallë më të lartë dinjiteti'' Mesazh BE-së

Vëzhguesit dhe politikanët e huaj përgëzojnë qytetarët për rrezultatin e zgjedhjeve

TIRANE - Proçesi i votimit pati standarte, fakt që u përgëzua nga të huajt dhe misionet e vëzhguesve në vend. "...pavarësisht mosmarrëveshjeve politike zgjedhjet prodhuan një rezultat të qartë. Duhet përgëzuar mënyra e pranimit. Më gëzon fakti që Shqipëria është në një fazë të re, në një shkallë më të lartë dinjiteti", tha tha kreu i OSBE-së, Eugen Wollfarth duke komentuar rrezultatin e 23 Qershorit.

Demokrati në Komisionin e dhomës së përfaqësuesve për marrëdhëniet me jashtë Kongresmeni Eliot Engel, i quajti zgjedhjet në Shqipëri "të suksesshme" dhe tha se Shqipëria tregoi dhe një herë se është "një demokraci në lulëzim". Ai uroi Ramen dhe koalicionin socialist për fitoren. "Keni dërguar një mesazh të qartë të Bashkimit Europian se jeni gati për statusin e vendit kandidat, marshimi juaj drejt anëtarësimit në BE vazhdon," thotë deklarata qe citohet nga mediat e huaja.

Gjatë fjalës së tij përpara Këshillit të Përhershëm të OSBE-së në Vjenë, ambasadori i SHBA-së në OSBE, Ian Kelly vlerësoi "qytetarët shqiptarë që kanë shprehur lirisht vullnetin e tyre në kutinë e votimit. Nxisim autoritetet që të finalizojnë numërimin dhe të trajtojnë çdo ankimim në mënyrë transparente, të shpejtë dhe në përputhje me shtetin ligjor. SHBA nënvizon rëndësinë e punës së përbashkët të të gjitha forcave politike për forcimin e ligjit dhe rritjen e standardeve të të drejtave të njeriut.

Doriana Metollari

Dërgo me email | Stampo artikullin