22/06/2013 18:23:41

Korçë, gati grupet e numërimit

Gjithsej në të gjithë qarkun e Korçës janë ngritur 80 grupe numërimi

KORÇË - Kur edhe një ditë na ndan nga zgjedhjet e së dielës, të gjitha KZAZ-të e qarkut të Korçës janë duke finalizuar mbushjen e dosjeve për qëndrat e votimit (QV), të cilat do t’u dorëzohen sot komisionerëve përkatës të qëndrave të votimit. Përfaqësuesit e KZAZ-ve janë duke punuar për anën teknike për mbarëvajtjen e zgjedhjeve parlamentare 2013.

Gjithashtu janë te gatshme edhe grupet e numërimit, që do të fillojnë punën menjëherë pas mbylljes së proçesit të votimit dhe dorëzimit të kutive me materialet zgjedhore të dielën, pas orës 19.00.

Qarku Korçë: 8 KZAZ, prej tyre; 3 në bashkinë Korçë, 1 në Maliq, 2 në Pogradec, 1 në Bilisht, 1 në Esekë
KZAZ-ja Nr 70 përfshin 3 Komuna dhe ka gjithsej 48 Qëndra Votimi. Në listat zgjedhore jane 29 560 votues.

Komuna Qëndër Korçë, ka 17 Qëndra Votimi, me 10 569 votues, Komuna Drenovë ka 15 Qëndra Votimi, me 8549 votues), Komuna Libonik ka 16 Qëndra Votimi, me 10442 votues. KZAZ-ja Nr 71 përfshin Bashkinë Korçë dhe ka 101 Qëndra Votimi, për 71 435 votues.

KZAZ-ja Nr 72 përfshin 4 Komuna, me 54 Qëndra Votimi, për 32 217 votues, komuna Liqenas, m 8 Qëndra Votimi, per 4238 votues, komuna Pojan, me 21 Qëndra Votimi, per 13 058 votues, komuna Vreshtas, me 13 Qëndra Votimi, per 7757 votues, komuna Pirg, me 12 Qëndra Votimi, per 7164 votues

Në qarkun juglindor, për zgjedhjet parlamentare të 23 Qershorit, përveç 3 KZAZ-ve që do të funksionojnë në bashkine e Korçës, do të funksionojnë edhe 5 KZAZ të tjera. Prej tyre, në Maliq, KZAZ-ja nr: 69, e cila përfshin 7 Komuna (Komunën Moglicë, Komunën Vithkuq, Komunën Mollaj, Komunën Lekas, Komunën Voskop, Komunën Voskopojë dhe Komunën Gorë) dhe 1 Bashki (Bashkinë e Maliqit). Kjo KZAZ ka 45 qëndra votimi, me 24450 votues.

Në Pogradec, KZAZ-ja nr 73, përfshin 7 Komuna (Komunën Buçimas, Komunën Çërravë, Komunën Dardhas, Komunën Udënisht, Komunën Proptisht, Komunën Trebinjë dhe Komunën Velçan)
Kjo KZAZ ka gjithsej 72 qëndra votimi, me 37 872 votues.

KZAZ-ja nr: 74, e cila përfshin Bashkinë e Pogradecit, ka 39 qëndra votimi, per 30 140 votues. Në Devoll, KZAZ-ja nr: 75 ka 51 qendra votimi, për 32786 votues dhe përfshin Komunën Progër, Hoçisht, Miras, Qëndër Bilisht dhe Bashkinë e Bilishtit.

Në Kolonjë, KZAZ-ja nr: 76, përfshin 6 Komuna (Komunën Mollas, Komunën Navoselë, Komunën Qëndër Ersekë, Komunën Çlirim, Komunën Qëndër Leskovik, dhe Komunën Barmash) dhe 2 Bashki (Bashkinë e Ersekës dhe Bashkinë e Leskovikut). Kjo KZAZ ka gjithsej 37 qëndra votimi, me 15 927 votues.

Në të gjitha KZAZ-të e qarkut të Korçës janë ngritur nga 10 grupe numërimi (5 prej te cilave do të jene në funksion menjëherë pas mbylljes së proçesit të votimit, të dielën në orën 19:00, dhe 5 të tjera që do të jenë grupe rezervë për të zëvendësuar grupet e para).

HermesNews - © 2013

Dërgo me email | Stampo artikullin