22/06/2013 16:18:21

Lënda plasëse në urë: rifillon qarkullimi i automjeteve pas dëmimit

Rifillon qarkullimi normal në aksin rrugor të Thethit

SHKODËR - Strukturat e qeverisjes vendore të komunës Shalë, të mbështetura edhe nga ato të Prefekturës Shkodër, pas disa orësh punë, bënë të mundur riparimin e urës, e cila pësoi dëmtime si rezultat i vendosjes së lëndës plasëse nga persona akoma të paidentifikuar. Lajmi konfirmohet nga burime zyrtare pranë policisë së Shkodrës, të cilat theksojnë se ura që shërben si kanal për dërgimin e ujit në Hidrocentralin në fshatin Nderlysaj, Komuna Shalë dhe në një urë në hyrje të fshatit Theth, të dëmtuara në orët e mesnatës, tashmë janë riparuar dhe në këtë zonë ka filluar qarkullimi normal, pa probleme. Riparimi i dëmtimeve të shkaktuara nga dy shpërthime radhazi, bëjnë të mundur që situata një ditë përpara zgjedhjeve parlamentare të 23 qershorit të normalizohet, jo vetëm në shërbim të procesit zgjedhor, por edhe të turizmit. Gjatë kësaj periudhe, pika turistike malore e Thethit, është ndër më të frekuenturat nga turistët e huaj dhe ato vendas.

HermesNews - ©2013

Dërgo me email | Stampo artikullin