22/06/2013 10:27:59

Shqiptarët nesër votojnë rinovimin e Parlamentit

roçesi do të administrohet nga 89 komisionet zonalë të administrimit zgjedhor (KZAZ)

TIRANË - Të Dielën mbahen në Shqipëri zgjedhjet parlamentare të radhës, nga ku do votohet për 140 deputetët e rinj të Kuvendit. Sipas Kodit Zgjedhor, qendrat e votimit do të hapen në orën 07.00 dhe do të mbyllen në orën 19.00.

Për këto zgjedhje janë regjistruar 3.271.885 zgjedhës, bazuar mbi të dhënat e regjistrit kombëtar elektronik, ndërsa në të gjithë vendin janë ngritur 5508 qendra votimi. Proçesi do të administrohet nga 89 komisionet zonalë të administrimit zgjedhor (KZAZ).

Të premten në mbrëmje partitë politike mbyllën fushatat e tyre elektorale, ndërsa sot është heshtje zgjedhore dhe janë të ndaluara mesazhet apo reklamat politike.

Fushata 30 ditore u vlerësua nga vëzhguesit përgjithësisht e qetë, demokratike dhe pa incidente të rënda.

HermesNews - ©2013

Dërgo me email | Stampo artikullin