06/06/2013 17:04:46

Zhvleresohet Leku

Monedha vendase është dobësuar kundrejt valutave kryesore në treg.

TIRANE - Në tregun e këmbimit valutor vendas, të enjten monedha vendase Lek ka regjistruar një bilanc negativ kundrejt valutave euro dhe dollarë.Sipas kursit zyrtar të Bankës së Shqipërisë, monedha vendase është dobësuar kundrejt valutave kryesore në treg. Shkaku kryesor i performancës së dobët të lekut është kërkesa e lartë që ka në treg për euro, kryesisht nga kompanitë e mëdha që transferojnë fitimet e tyre jashtë vendit në firmat ‘mëmë’, por edhe nga bankat që blejnë për llogari të klientëve të tyre. Ky nivel i euros pritet të qëndrojë i pandryshueshëm edhe në javët në vazhdim, duke mos ‘lehtësuar’ huamarrësit që ia kanë kreditë në euro.1 euro këmbehet sot me 140.72 lekë, 0.12 lekë më shumë se një ditë më parë dhe shumë pranë kufirit prej 141 lekë. Edhe dollari ka shënuar rritje sot. 1 dollar këmbehet sot me 107.66 lekë, 014 lekë në raport me ditën e djeshme dhe duke iu afruar sërish nivelit prej 108 lekë. Banka e Shqipërisë bën të ditur se luhatjet e herëpas hershme në tregun valutor variojnë brenda vlerave të parashikuara nga ajo.

HermesNews - ©2013

Dërgo me email | Stampo artikullin