28/05/2013 15:23:50

NATO, aktivitet per menaxhimin e trafikut ajror

Në Takimin Plenar të Pranverës për Menaxhimin e Trafikut Ajror, morën pjesë drejtues të Forcës Ajrore, përfaqësues nga Agjencia Nacionale e Trafikut Ajror (ANTA) dhe Autoriteti i Aviacionit Civil

TIRANE - Amendimi i politikave dhe udhëzimeve për një menaxhim më të mirë të trafikut ajror të NATO-s, u diskutua të martën në punimet e Takimit Plenar të Pranverës të Komitetit të NATO-s për Menaxhimin e Trafikut Ajror (ATMC). I pranishëm në këtë aktivitet shefi i Shtabit të Përgjithshëm i FA-së, gjeneralmajor Xhemal Gjunkshi tha se, "Bashkëpunimi i shkëlqyer ndërmjet Forcës Ajrore dhe ANTA-s, me mbështetjen e fuqishme të Komponentit Ajror të NATO-s në Izmir dhe SHAPE-it, sollën suksesin që ne përjetojmë sot, policimin ajror mbi qiellin shqiptar", theksoi Gjunkshi. Në Takimin Plenar të Pranverës për Menaxhimin e Trafikut Ajror, morën pjesë drejtues të Forcës Ajrore, përfaqësues nga Agjencia Nacionale e Trafikut Ajror (ANTA) dhe Autoriteti i Aviacionit Civil, ushtarakë nga Forcat Ajrore, si dhe 70 pjesëmarrës nga vendet anëtare të NATO-s, dhe PfP. Ky aktivitet përfundon punimet më datë 30 maj.

HermesNews - ©2013

Dërgo me email | Stampo artikullin