27/05/2013 18:55:16

Grabiten kambistët, policia në ndjekje të hajdutëve

Dy grabitësit e maskuar kanë sulmuar tre punonjësit, që po dilnin nga pika e këmbimit valutor dhe kanë mundur të largohen bashkë me shumën e parave

DURRËS - Policia e Durrësit është vënë në ndjekje të dy personave, të cilët kanë grabitur sot pasdite një nga pikat e këmbimit valutor përballë pallatit të sportit “Ramazan Njala”, në qytetin bregdetar. Burime zyrtare nga drejtoria e Policisë së qarkut, bënë të ditur të hënën se, grabitësit kanë shfrytëzuar momentin kur punonjësit po transportonin një sasi prej afro 7 milion lekë jashtë lokalit të tyre. Dy grabitësit e maskuar kanë sulmuar tre punonjësit, që po dilnin nga pika e këmbimit valutor dhe kanë mundur të largohen bashkë me shumën e parave. Gjatë përleshjes, një prej punonjësve ka patur dëmtime të lehta fizike-shtuan burimet e policisë, sipas të cilave po punohet për identifikimin dhe kapjen e autorëve.

HermesNews - ©2013

Dërgo me email | Stampo artikullin