22/05/2013 20:30:17

PD, Rama largon investitorët

'Plani i Edi Ramës eshtë trembja e investitorëve dhe rritja e taksave'

TIRANE - Pasi dështoi të gjente 100 arsyet e tij kundër Berishës, Rama përsëriti sot për të 15 herë sajimin e tij mavi në lidhje me ambjentin.

E vërteta e koncesioneve të hidrocentraleve është se ato janë tërësisht ligjore, respektojnë ambjentin, prodhojnë energji të pastër me kosto të ulët, dhe kanë punësuar mijëra shqiptarë.

Plani i Edi Ramës eshtë trembja e investitorëve dhe rritja e taksave, cka sjell humbje të vendeve të punës dhe dëmtim të ekonomisë. Hidrocentrali i Ashtës, i kaskadës së Devollit, dhe e 50 të tjerëve që funksionojnë sot janë një mrekulli e tekonologjisë që rrisin vendet e punës dhe të ardhurat e shqiptarëve.

Vetem kaskada e Devollit hap mbi 5000 vende pune direkte dhe indirekte.
Ne total, partneriteti publik-privat ka qene leva e zhvillimit te vendit duke mundesuar ne mase te madhe tejkalimin e premtimit elektoral te 2009, duke punesuar 200,000 shqiptare.

Energjia hidrike eshte e paster dhe ne perpurthje me strategjine e BE-se per rritjen e energjise se paster ne Evrope. Por Partia Socialiste është përsëri kundër Bashkimit Europian.
Partia Demokratike ka zgjidhur ceshtjen e furnizimit me energji elektrike 24 ore. Mos të bejme sikur na ka rënë amnesia dhe nuk e mbajmë mend krizën energjetike që kemi kaluar për vite me radhë!!!

Po kështu, Qeveria ka rritur sipërfaqen e territorit të mbrojtur, ka vënë në punë 9 impiante të pastrimit të ujërave të zeza, ka rritur kontrollin për mbajtjen pastër të mjedisit. Sot Shqipëria është më e pastër dhe më e zhvilluar se kurrë, të vetmet ndotje vijnë nga salloni mavi i Edi Ramës!

Komunikatë për Shtyp

Dërgo me email | Stampo artikullin