22/05/2013 17:33:10

Servilizmi

nga Doriana Metollari

HermesNews - Ka shumë kategori njerëzore që nuk arrij t'i gëlltis dhe servilat janë bonusi që i varet në qafë thuajse të gjitha kategorive. I keni parë kur përpiqen të të afrohen me idenë e të qënit të sjellshëm, apo më keq akoma kur mendojnë se të kanë bërë për vete. Nuk e di pse kam menduar gjithmonë se janë të bindur për këtë.

Nuk ka një kategori që do t'i grupoja servilat. Ata futen me buzëqeshjen e shtirë kudo. Mund të jesh hipokrit dhe servil, mund të jesh inteligjent dhe servil, pra le ta quajmë këtë një shtojcë që shkon përkrah kujdo që i hap derën.

Eshtë shumë e vështirë të bësh një analizë të këtij tipari njerëzor. Personalisht nuk e di kur fillon e mbaron servilizmi, por të paktën i ndjej gjestet e tepruara, fjalët e tepruara, komplimentet e tepruara dhe kjo për mua është servizilëm. Të vlerësosh një tipar të dikujt nuk është servizilëm. Me tepri po.

Nëse doni ta shikoni qartë këtë lloj kategorie shkoni nëpër sallonet mondane. Shikoni sesi njerëzit përçmojnë kategoritë e llojit të vet. Shikoni sesi i lartesojnë ata që shpresojnë se mund t'u japin diçka për të arritur një rang më të lartë. Sallohen mondane janë skena ku personalisht përsosem si njeri.

Nëse do t'a përçmonit racën njerëzore do të ktheheshit në snob, por nëse përpiqeni t'i trajtoni sipas aftësisë që kanë për të përceptuar personin tuaj mund të gjeni ekulibrin mes tyre: është dhe vlerësim realist të personalitetit tuaj.

Servilat, kam përshtypjen se e kanë dhe pak të mangët këtë. Ka gjithmonë hapësirë për t'u rritur shpirtërisht dhe kur kur do të bësh karrierë. Mjafton të shohësh qartë, pa u ngutur, të përqëndruar dhe mbi të gjitha gati për t'u vënë në provë, me përulje dhe krenari.

Njeriu është gatuar me të gjitha tiparet. Na takon ne të ruajmë ekuilibrin mes tyre...

HermesNews - ©2013

Dërgo me email | Stampo artikullin