22/05/2013 16:52:31

58 % e emigrantëve të kthyer janë të papunë

Emigrantët e kthyer janë kryesisht të moshës mbi 50 vjeç, por dhe të grupmoshës 35-40 vjeçare

TIRANË - Sipas statistikave të shërbimit kombëtar të punësismit rreth 58% e emigrantëve të kthyer janë regjistruar si punëkërkues të papunë. Ndërkohë në Tiranë prej fillimit të këtij viti janë regjistruar 23 emigrantë të kthyer që kërkojnë të punësohen, prej tyre vetëm 1 është femër.

Emigrantët e kthyer janë kryesisht të moshës mbi 50 vjeç, por dhe të grupmoshës 35-40 vjeçare. Ata kanë kryesisht arsim të mesëm të përgjithshëm, por mes tyre ka dhe persona me arsim të lartë.

Në të dhënat e Drejtorisë Rajonale të Shërbimit Kombëtar të Punësimit në Tiranë, rezulton se 19 emigrantë janë kthyer nga shteti fqinj Greqi dhe 4 nga Italia. Arsyeja kryesore e kthimit të tyre ishte papunësia në vendet ku jetonin.

Në përgjithësi emigrantët janë kthyer së bashku me familjet e tyre dhe vetëm 3 persona kanë deklaruar kthim individual. Menjëherë pas ardhjes në atdhe, ata kanë kërkuar pranë zyrave të punës këshillim për punësim dhe orientim profesional.

HermesNews - ©2013

Dërgo me email | Stampo artikullin