17/05/2013 07:38:23

Vrasësin e sime bije e gjej vetë

Më herët babai i 25-vjeçares, ka kërkuar nga strukturat e shtetit që të arrestohet autori i ngjarjes dhe të vihet para drejtësisë për aktin që ka kryer

TIRANE - Do të nis vetë lëvizjet për të gjetur vrasësin e bijës sime”, tha Riza Tafa, babai i balerinës së vrarë në muajin Prill të këtij viti në kryeqytet nga një plumb qorr. Dhimbja e babait bëhet më e madhe, kur autori i vrasjes nuk është kapur ende nga strukturat e policisë. 57-vjeçari Riza Tafa, lidhur me këtë fakt shprehet shumë i zhgënjyer dhe premton se që tani e tutje do të merret vetë me hetimet e ngjarjes. “I premtova Sonilës se do të prisja deri sa të bëheshin 40 ditë nga vrasja e saj për të parë se çfarë do të bënte shteti për të gjetur autorin. Tani meqë sot (dje) u bënë 40 ditë nga vdekja e vajzës sime, nuk më mbetet gjë tjetër vetëm që të nis vetë lëvizjet për të gjetur se ku fshihet ai që më vrau vajzën”, rrëfen 57-vjeçari.

HermesNews - ©2013

Dërgo me email | Stampo artikullin