10/05/2013 14:36:50

Vdes nga korenti një punëtor shqiptar

Një punëtor shqiptar, 45 vjec, vdes nga korenti gjatë një aksidenti në punë

TASSAROLO - Një punëtor shqiptar, 45 vjeç, vdes nga korenti gjatë një aksidenti në punë sot në ora 11. Novruz Ruçi, nga Durrësi, banues prej vitesh në Acqui Terme, ishte i punësuar prej kohësh në kompaninë Boetti Srl, që punon për kompaninë e madhe energjetike italiane ENEL.

Sipas dëshmive të mbledhura deri tani, Ruçi po peshonte kabllot elektrike me 380V dhe për arsye ende të panjohura ka pësuar një shok elektrik sapo ka prekur një kabllo. Në ato momente ai ndodhej në një lartësi prej 6-7 metrash dhe ka rënë me kokë poshtë duke mbetur i bllokuar në një kafaz. Ai është tërhequr nga policia dhe ndihmat e shpejta, që janë munduar ta shpëtojnë me anë të defibrillatorit, por pa asnjë reagim.

Daniela Vathi

Dërgo me email | Stampo artikullin