08/05/2013 18:37:25

Surprizat e fushates

nga Doriana Metollari

HermesNews - Ka pak kohë që nuk jemi shkruar unë dhe ti lexues. Unë kam dëgjuar më shumë sesa kam shkruar, kam vëzhguar pa konkluzione. Nuk kam çfarë t’ju zbuloj për fushatën, nuk kam dhe nuk besoj se do të kem ndonjë të re që do t’ju transformojë jetën, për t'u dhënë. Kjo ka për të qenë, pak a shumë, një prej fushatave më të qeta, në historinë e Shqipërisë. Asnjë prej palëve nuk duket se po mundohet të "shqyejë" kundërshtarin si gjithmonë, por janë përqëndruar tek ndarja e tortës mes të veteve dhe skena për publikun, tek e fundit do t’u japë votat.

Publiku në Shqipëri asnjëherë nuk është marrë me seriozisht se kësaj here. Jo sepse politikanët u zgjuan me te mire se dje, por sepse kam pershtypjen dhe ndjesinë se në Shqipëri ka filluar të fryejë një erë qytetarie që nuk pranon të bëhet më lodër.

Unë besoj se votat asnjëherë nuk kanë qenë më të ndërgjegjshme se kësaj herë. Kjo sepse gjatë këtyre viteve në Shqipëri, kanë ndodhur shumë ndryshime, kanë jetuar shumë ngjarje, shumë lëvizje për zgjim kombëtar u organizuan. E gjitha kjo ka bërë që njerëzit ta përqëndrojnë vëmendjen tek vetja.

Po ndodh diçka e rëndësishme, quajeni si të doni, por njerëzit nuk besoj se arsyetojnë më si para katër viteve. Ndryshimi bën pjesë në jetën individuale te secilit dhe kjo bën që, nuk besoj se ka për të patur surpriza. Tetë vjet dhe tetë për të tjerët, si kudo.

HermesNews - ©2013

Dërgo me email | Stampo artikullin