08/05/2013 16:24:17

Pesëmbëdhjetë vite burg për Nazmie Vishën

Duke qenë se e pandehura ka pranuar gjykimin e shkurtuar, ajo do të vuajë 10 vite burg

TIRANË - Gjykata e rrethit te Tiranës shpalli sot vendimin, duke dënuar me 15 vjet burg 19-vjeçaren Nazime Visha, e akuzuar për vrasjen me arme zjarri te 45 vjecarit Fiqiri Muça ne 3 gusht të vitit të kaluar në fshatin Krrabë në Tiranë. Por, duke qenë se e pandehura ka pranuar gjykimin e shkurtuar, ajo do të vuajë 10 vite burg, pasi dënimit të saj i zbritet një e treta. Në pretencën e saj, prokuroria kërkoi dënimin me 17 vite burgim për 19-vjeçaren, me akuzen e vrasjes me paramendim, ndërsa avokatja mbrojtëse e të pandehurës kërkoi shpalljen e pafajshme me pretendimin se 19 vjecarja Visha e ka kryer vrasjen për vetëmbrojtje dhe se viktima kishte abuzuar me të për shumë kohë. Pretendohet se autorja e krimit dhe i ndjeri kanë patur një lidhje intime për shumë kohë.

HermesNews - ©2013

Dërgo me email | Stampo artikullin