06/05/2013 13:09:02

Skllaveron gruan per xhelozi

Arrestohet shqiptare ne Itali

Keqtrajton dhe dhunon gruan për pesë vjet


OFFAGNA - Karabinierët kanë arrestuar një 30 vjeçar shqiptar për keqtrajtime në familje. Ai është shtruar nga marsi në repartin psikiatrik pasi ka sulmuar me thikë të shoqen, nënë e një vajze dy vjeçare. Në të vërtetë keqtrajtimet vazhdonin tashmë prej 5 vjetësh: gruaja e mbyllur nga xhelozia e bashkëshortit të obsesionuar, ka pësuar vazhdimisht dhunë fizike dhe psiqike që nga viti 2008, saqë mendohej se cështja do të përfundonte me një vrasje.

Policia e Ankonës ka mbledhur provat dhe urdhëruar paraburgimin e tij duke e konsideruar të rrezikshëm për shoqërinë. I kërkuar prej kohësh edhe nga shërbimet sociale, ai akuzohet për akte persekutimi, sekuestrim personi, plagosje personi, kërcënime të rënda, dhunë dhe keqtrajtime në familje. Të hënën do të paraqitet relacioni i psikiatrit rreth gjendjes së tij psiqike, nga ku do të vendoset nëse duhet transferuar në një strukturë tjetër.

HermesNews - ©2013

Dërgo me email | Stampo artikullin