20/04/2013 09:40:55

Kapitull i ri ne maredheniet serbe

Pas gjashtë muajsh maratonash të stërgjata negociatash, kryeministri kosovar, Hashim Thaçi dhe kryeministri serb, Ivica Daçiç, në raundin e 10 të bisedimeve në kryeqytetin belg, më në fund kanë nënshkruar tekstin e një marrëveshjeje të përpiluar nga kryediplomatja evropiane, Catherine Ashton

BRUKSEL - Një marrëveshje historike u arrit dje në Bruksel mes Prishtinës dhe Beogradit, me ndërmjetësimin e BE-së, për menaxhimin e veriur të Kosovës: marrëveshje që edhe e vetme përfaqëson jo vetëm një zhvillim të rëndësishëm në marrëdhëniet mes serbëve dhe kosovarëve, por edhe një biletë vajtje drejt anëtarësimit në Bashkimin Evropian.

Pas gjashtë muajsh maratonash të stërgjata negociatash, kryeministri kosovar, Hashim Thaçi dhe kryeministri serb, Ivica Daçiç, në raundin e 10 të bisedimeve në kryeqytetin belg, më në fund kanë nënshkruar tekstin e një marrëveshjeje të përpiluar nga kryediplomatja evropiane, Catherine Ashton, e cila siguron përmes këtij zhvillimi suksesin e saj të parë me rëndësi ndërkombëtare në postin e kryediplomates së BE-së.

''Kjo marrëveshje përfaqëson fillimin e një epoke të re pajtimi dhe bashkëpunimi mes shteteve'', u shpreh kryeministri kosovar, Hashim Thaçi, pozitivitetin e të cilit e uli disi toni i rëndë i kryeministrit serb, Ivica Daçiç, i cili foli për ''një vendim të vështirë''.

Për Kosovën dhe Serbinë ajo e djeshmja ishte një bast i vënë mbi të ardhmen, që për to si edhe për të gjitha vendet e tjera të Ballkanit Perëndimor, është ajo e të qënit shtet anëtar i Bashkimit Evropian. Kroacia fqinje që ia arriti qëllimit dhe që nga 1 korriku i vitit 2013 do të jetë shteti i 28-ë anëtare i BE-së.

Në këtë drejtim, Prishtina por kryesisht Beogradi u detyrua të shkonin dhjetorin e kaluar nga liderët e 27 vendeve anëtare, që kishin shkruar të zezë mbi të bardhë se progreset drejt anëtarësimit në BE do të ishin të kushtëzuara nga hapat konkrete përpara në marrëdhëniet mes dy vendeve.

E vetmja zgjidhje e mundshme ishte vetëm arritja e një marrëveshjeje historike si e djeshmja dhe ky akord ishte i llojit ''last minute'' (minuta e fundit - shën. përkth.) para raportimit të Ashton për ministrat e Jashtëm të
BE-së të hënën, në Luksemburg dhe në kuadër të një vendimi në samitin e qershorit mbi negociatat për anëtarësimin e Serbisë dhe marrëveshjen e asocimit me Kosovën.

''Marrëveshja është një hap që i afron me Evropën serbët dhe kosovarët'', deklaroi Ashton, e ndjekar nga deklaratat e presidentit të BE-së, Herman Van Rompuy, i cili rikonfirmoi ''perspektivën evropiane'' të Prishtinës dhe Beogradit, dhe po ashtu nga ajo e presidentit të Komisionit Evropian, Jose Manuel Barroso, i cili u shpreh ''besim se marrëveshja përgatit rrugën për vendimet e ardhshme të 27 vendeve anëtare''.

NATO-ja nga ana tjetër do të vazhdojë të garantojë sigurinë në Kosovë dhe të japë mbështetjen e nevojshme për aktualizimin e marrëveshjes. Por, nga këndvështrimi zyrtar marrëveshjes i mungon siglimi nga të dyja kryeqytetet, të cilat do t'i përcjellin në ditët e ardhshme vendimet e tyre respektive përfundimtare Brukselit zyrtar.

Dhe për një grup të mirë individësh drita jeshile nuk është aspak një fakt i kryer: çmimi që duhet të paguhet nga komuniteti serb në veri të Kosovës duket të jetë tepër i lartë dhe tashmë ka marrë jetë mbledhja e firmave për realizimin e një referendumi, që ka shtrirje edhe në Serbi.

HermesNews - ©2013

Dërgo me email | Stampo artikullin