19/04/2013 18:13:00

Dy projektligjet e socialistëve për votën e qytetarëve jashtë

Si mendoni të zgjidhni çështjen e votës së emigrantëve pas 23 Qershorit ? Cfarë të reje mendoni se do të sjellë për integrimin europian vota e mbi 1 milion qytetarëve shqiptarë që jetojnë jashtë ?

TIRANE - Kreu i socialistëve Edi Rama nëpërmjet një platforme online në Facebook iu përgjigj pyetjeve mbi fushatën elektoriale së Hermesnews, në lidhje me të drejtën e votës për qytetarët shqiptarë që jetjonë jashtë vendit. Kreu i selisë rozë përmendi projektligjin e propozuar dy herë për të drejtën e votës së shtetasve shqiptarë. "Ne kemi formuluar dhe propozuar dy herë projekt-ligjin për votën e emigrantëve. E kemi prezantuar këtë projekt-ligj pranë Komisionit Parlamentar për Reformën Zgjedhore, në vitin 2008 dhe në vitin 2012. Propozimi ynë i detajuar, specifikonte mënyrën e votimit me anë të postës së personalizuar dhe gjithashtu koston e bashkëngjitur për të mundësuar votën për çdo shqiptar, kudo ku ai ndodhet në emigracion. Por si në vitin 2008, ashtu dhe në vitin 2012, Kryeministri dhe Partia Demokratike e kanë rrëzuar propozimin e opozitës, pa dhënë asnjë arsye për këtë refuzim. Ne do ta aprovojmë këtë projekt-ligj me maxhorancën tonë të re në Parlament pas 23 qershorit."

HermesNews - ©2013

Dërgo me email | Stampo artikullin