19/04/2013 16:05:23

Grabitet ndihma ekonomike në Kukës

Plagoset punonjësi i postës. Hajdutët i vjedhin ndihën ekonomike

KUKES - Sot pasdite është grabitur nga persona ende të paidentifikuar nga policia një punonjës i postës së komunës së Malziut në rrethin e Kukësit. Burime zyrtare të policisë lokale bëjnë të ditur se ngjarja ka ndodhur rreth orës 13,30 të ditës së sotme në fshatin Kolsh, kur punonjësi i postës, Zenel Algjoni, ishte duke shpërndarë pagesën e ndihmës ekonomike. Ndërsa ai ka qenë duke udhëtuar me mjetin e tij, i është ndërprerë rruga dhe më pas është kryer grabitja. Algjoni ka tentuar të kundërshtojë grabitësit, por ka mbetur i plagosur në gjendje të rëndë. Ai eshtë dërguar në spitalin civil të qëytetit të Kukesit, ku pas ndihmës së parë, është dërguar menjëherë në Spitalin Ushtarak të Tiranës. Një grup hetimor i policisë lokale po kryen hetime intensive për identifikimin dhe ndalimin e grabitësve.

HermesNews - ©2013

Dërgo me email | Stampo artikullin