19/04/2013 13:27:09

2,241 milion Lekë nga pushteti vendor për tre muaj

Referuar statistikave paraprake të Ministrisë së Financave mbi treguesit fiskal sipas buxhetit të konsoliduar, të ardhurat nga pushteti vendor llogariten 18.65 % e totalit prej 12.003 milionë lekë të planifikuar për gjithë vitin 2013

TIRANË - Të ardhurat në buxhetin e shtetit nga njësitë e qeverisjes vendore në 3 muajt e parë këtij viti llogariten 2.241 milionë lekë. Referuar statistikave paraprake të Ministrisë së Financave mbi treguesit fiskal sipas buxhetit të konsoliduar, të ardhurat nga pushteti vendor llogariten 18.65 % e totalit prej 12.003 milionë lekë të planifikuar për gjithë vitin 2013.

Ndërsa në 3 muajt e parë të vitit 2012 u mblodhën 2,837 milionë lekë. Ndërkohë, shpenzimet për buxhetin vendor (janar-mars 2013) kapin vlerën e 6,265 milionë lekëve, kur në të njëjtën periudhë të vitit 2012 ishin 5,128 milionë lekë.

Aktualisht, taksat e pushtetit vendor, të ardhurat e të cilave shkojnë në buxhetin e shtetit, janë taksa mbi pasurinë, taksa mbi biznesin e vogël dhe taksa lokale.

Nga taksa për pasurinë në këto tre muaj u arkëtuan 600 milionë, nga taksa mbi biznesin 507 milionë lekë dhe nga taksa lokale 1,134 milionë lekë.

HermesNews - ©2013

Dërgo me email | Stampo artikullin