18/04/2013 16:04:19

PBDNJ ngrin veprimtarinë në KQZ

Anëtari Jani argumenton qëndrimin e tij, i nxitur nga zhvillimet e fundit, 'ku maxhoranca aktuale, haptazi ka ndërmarrë veprime që cënojnë pavarësinë e këtij institucioni, duke shkelur ligjin'

TIRANË - Përfaqësuesi i propozuar nga Partia Bashkimi për të Drejtat e Njeriut (PBDNJ), në KQZ, Jani Jani, deklaroi të enjten se 'ngrin' veprimtarinë e tij në këtë institucion, duke u solidarizuar kështu me dorëheqjet e dy anëtarëve të propozuar nga PS, Denar Biba dhe Albana Shtylla. Vendimi i komisionerit Jani parashikon mospjesëmarrjen e tij në asnjë nga mbledhjet e KQZ-së.

Përmes një letre, anëtari Jani argumenton qëndrimin e tij, i nxitur nga zhvillimet e fundit, "ku maxhoranca aktuale, haptazi ka ndërmarrë veprime që cënojnë pavarësinë e këtij institucioni, duke shkelur ligjin".

"Vlerësoj aktin e dorëheqjes së dy kolegëve të mi si zgjedhje të drejtë të bindjes së tyre. Për arësye të situatave të krijuara dhe në pritje të një reflektimi real, të dukshëm të politikës për të hequr dorë nga tentativat për të cënuar pavarësinë e këtij institucioni, si dhe në shenjë solidariteti me kolegët e mi, deklaroj ngrirjen e veprimtarisë time formale në KQZ", thotë Jani, në letrën e tij.

HermesNews - ©2013

Dërgo me email | Stampo artikullin