16/04/2013 09:28:32

Policia në alarm për atentate të reja në SHBA

Ndërkohë që sytë e mbarë botës ishin drejtuar nga Koreja e Veriut dhe kërcënimet për një luftë bërthamore në Azi, një atentat me markë, me siguri terroriste, u rikthye për të goditur zemrën e Amerikës

BOSTON - Policia e Bostonit, që ka konfirmuar dy shpërthime të ndodhura në startin e një maratone të zhvilluar dje, po vazhdon verifikimet dhe inspektimet për ndonjë tjetër mekanizëm shpërthyes që mund të jetë vendosur në Mandarin Hotel, një hotel me pesë yje në Back Bay. Policia konfirmoi se pas dy shpërthimeve të ndodhura në vijën e startit të maratonës kanë mbetur të vdekur tre persona dhe janë plagosur mbi 100 të tjerë. Për momentin, ashtu siç edhe e sintetizoi presidenti amerikan, Barack Obama, vendi i tij nuk ka ende një përgjigje. Burime nga Shtëpia e Bardhë nuk përjashtojnë as faktin që atentati mund të jetë i markës vendase.Megjithatë, disa orë përpara atentateve në Boston, galaksia e faqeve xhihadiste të internetit kërcënonte për sulme kundër Amerikës, Francës dhe vendeve evropiane për mbështetjen ndaj ndërhyrjes ushtarake në Mali apo për përdorimin e avionëve pa pilot në Afganistan dhe Pakistan.

HermesNews - ©2013

Dërgo me email | Stampo artikullin