16/04/2013 09:22:39

Politikat e jashtme, Ashton ndalet në Tiranë

Krerët shqiptarë dhe të huaj do të mbajnë konferencë për shtyp

TIRANË - Përfaqësuesja e Lartë e BE-së për Politikën e Jashtme dhe Sigurinë dhe Zëvendëspresidenten e Komisionit Europian, Catherine Ashton, zhvillon një vizitë zyrtare në Tiranë në kuadër të një turi ballkanik. Axhenda e Ashton parashikon takim me Presidentin Nishani në orën 11:00 në Presidencë, me Kryeministrin Berisha në orën 11:40 në Këshillin e Ministrave dhe takim me Kryetarin e Partise Socialiste Edi Rama në orën 12:30 ne Hotel Sheraton. Gjithashtu, Përfaqësuesja për Politikën e Jashtme të BE, do të mbajë dhe një konferencë për shtyp, në orën 13:10 në Hotel Sheraton. "Unë udhëtoj për në vendet e Ballkanit Perëndimor për të përforcuar angazhimin e BE-së ndaj perspektivës europiane për vendet në rajon.Do të nxis liderët në rajon që të vazhdojnë procesin e reformës dhe promovimin e marrëdhënieve të mira fqinjësore",- tha Catherine Ashton në prag të vizitës së saj.

HermesNews - ©2013

Dërgo me email | Stampo artikullin