11/04/2013 17:56:31

India mesazhi për Eurozonën

Singh 'Një eurozonë e fortë, me stabilitet dhe prosperitet është në interesin e të gjitha vendeve në zhvillim e sipër'

BERLIN - Kryeministri i Indisë u shpreh sot se vendi i tij kërkonte që ''eurozona të kishte stabilitet ekonomik dhe prosperitet'', gjatë një konference për shtyp në Berlin, ku ai ndodhej për një vizitë. ''India kërkon që eurozona të ketë stabilitet, prosperitet dhe të mund të kapërcejë krizën ekonomike'', deklaroi kreu i qeverisë së Indisë, Manmohan Singh gjatë një konference në Berlin me kancelaren gjermane, Angela Merkel, ku theksoi se këtë e kishte shprehur edhe gjatë bisedimeve të zhvilluara me shefen e qeverisë së ekonomisë kryesore të rajonit evropian. ''Një eurozonë e fortë, me stabilitet dhe prosperitet është në interesin e të gjitha vendeve në zhvillim e sipër'', theksoi kryeministri Singh.

HermesNews - ©2013

Dërgo me email | Stampo artikullin