10/04/2013 15:54:39

PS paralajmëron për KQZ-në

Rama, 'prekja e KQZ me dhunë antikushtetuese, tregon se ç'regjim do shporrim në 23 qershor e cfarë paniku e ka mbërthyer Saliun në vetminë e madhe'

TIRANË - Ndërsa politika dhe media po diskutojnë një rikonfigurim të Komisionit qendror zgjedhor, kryesocialsiti Edi Rama i paraprin me reagimin e tij çdo ndryshimi të mundshëm në këtë institucion. Menjëherë pas deklaratës së nënkryetarit të LSI-së, Manjani, i cili e cilësoi “KQZ-në të ndërtuar mbi bazën e një kodi zgjedhor konsensual dhe se këtu nuk hyn politika”, lideri socialist e quan dhunë antikushtetuese një prekje të mundshme të këtij institucioni. Në faqen e tij në rrjetin social Twitter, Rama shkruan se "prekja e KQZ me dhunë antikushtetuese, tregon se ç'regjim do shporrim në 23 qershor e cfarë paniku e ka mbërthyer Saliun në vetminë e madhe”.

HermesNews - ©2013

Dërgo me email | Stampo artikullin