06/04/2013 12:56:12

E moshuara vdes nga rrahjet e të birit. Ende nuk dihen shkaqet

Babi i tre fëmijëve, i ve para një viti, akuzohet për vrasjen e nënës Mereme

DURRËS - Një 51 vjeçar, nga fshati Kullë i Durrësit, ka goditur me mjete të forta nënën e tij, në banesën e kësaj të fundit, e cila ka humbur jetën për shkak të plagëve të marra. Ngjarja ka ndodhur mëngjesin e shtunës, në fshatin Kullë, 30 km në veri të Durrësit, kur 51 vjeçari Lefter Pashai, banor i këtij fshati, për motive ende të paditura, ka vrarë në banesën e saj nënën e tij 70 vjeçare, Mereme Pashai, duke e goditur atë me mjete të forta. Burime të Policisë së qytetit bregdetar thanë sot se, “51 vjeçari Pashai, babai i tre fëmijëve, një vit më parë kishte mbetur i ve, pas vdekjes së bashkëshortes së tij. Nuk dihen motivet që e detyruan 51 vjeçarin të kryente krimin. Referuar burimeve, Pashai është shoqëruar në mjediset e Komisaratit të Policisë së Shijakut, ku po merret në pyetje nga oficerët e Policisë Gjyqësore dhe prokurori i çështjes.

HermesNews - © 2013

Dërgo me email | Stampo artikullin