05/04/2013 10:10:48

Tre raste pedofilie në 24 orë

Policia arrestohet tre shtetas për abuzim me të mitur

TIRANE - Brenda 24 orëve 3 raste pedofilie. Sot në mëngjes policia e Vlorës ka bërë të ditur se ka arrestuar një 63-vjeçar pasi kishte ngacmuar një 13-vjeçare. Vajza është ngacmuar në ambientet e lokalit ku punonte e ëma e të miturës. Autori Gëzim Rustemaj, ishte banues në Vlorë. Ai akuzohet për vepra të turpshme me një 13-vjeçare.

Dje janë arrestuar dy persona, një në Divjakë dhe tjetri në një fshat të Tiranës, pasi kishin tentuar të abuzonin seksualisht me të mitur.

Një 59-vjeçar nga fshati Pinet i komunës Ndroq është arrestuar, pasi mësohet se ka kryer veprime të turpshme me një 9-vjeçare me inicialet R.B.

Pas denoncimit të familjarëve të së miturës, forcat e komisariatit nr. 6 në kryeqytet kanë arrestuar 59-vjeçarin Xhavit Biduli, i njohur si person me prirje pedofilie.

Ndërsa rasti tjetër i pedofilisë është shënuar në qytetin e Divjakës. Një i moshuar është arrestuar në flagrancë, duke abuzuar seksualisht me një djalë të mitur.

Sipas burimeve nga policia bëhet me dije se 70-vjeçari po kryente marrëdhënie me një 15-vjeçar, dhe të dy këta persona kishin ardhur nga Librazhdi.

Ky nuk është rasti parë i pedofilisë i shënuar kohët e fundit në vendin tonë. Vetëm para dy javësh u shënua dy raste të tjera pedofilie në kryeqytet, ku dy të moshuar kishin tentuar të kryenin marrëdhënie seksuale me dy djem të mitur.

HermesNews - ©2013

Dërgo me email | Stampo artikullin