02/04/2013 16:59:35

Nikolla Begu vrau te bijen pasi ishte larguar nga shtepia

Babai emigrant mori sot masën e sigurisë nga Gjykata. Katër ditë më parë vrau të bijën 19 vjeç 'për çështje nderi'

LEZHE - Gjykata e Lezhës dha sot masën e sigurisë "burg pa afat" për 49 vjeçarin Nikoll Begu, që katër ditë më parë vrau të bijën, 19 vjeçaren Valentina Begu për shkak se i ishte larguar nga shtëpia. Ngjarja e rëndë ndodhi në fshatin Tole (Lezhë), në banesën e familjes në kohën kur babai hapi zjarr në oborrin e shtëpisë. Gjatë seancës së sotme ai është shprehur i penduar. Begu ishte emigrant në Itali dhe ishte kthyer pasi kishte mësuar se e bija për dy ditë ishte larguar pa dijeninë e nënës nga shtëpia. Babai i irrituar ishte kthyer nga Italia dhe në debat e sipër kishte vrarë të bijën, e cila sipas tij i ishte përgjigjur "rëndë". Në hetuesi ai ishte shprehur se vrasja kishte ardhur pasi e bija e turpëronte me sjelljen e saj.

HermesNews - ©2013

Dërgo me email | Stampo artikullin