28/03/2013 17:36:57

Ilir Elmazi ekstradohet nga Panamaja. Akuza për mashtrim

56 vjeçari u dënua me shtatë vite burg

TIRANË - Nga Zyra Qendrore Kombëtare Interpol Tirana, është bërë ekstradimi nga Panama City/Panama, drejt vendit tonë, i shtetasit shqiptar Ilir Elmazi, 56 - vjeç, lindur në Durrës. Në njoftimin për mediat, Policia e Shtetit sqaron se ky shtetas ishte shpallur person në kërkim ndërkombëtar, pasi Gjykata e Apelit Durrës, e ka dënuar me 7 vjet burg, për Mashtrim. Sipas policisë, 56 vjeçari Elmazi, në vitin 2002 në bashkëpunim me persona të tjerë kanë mashtruar shtetasin Fatmir Z., në shumën 800 000 marka. Në aeroportin “Nënë Tereza” në Rinas ky shtetas iu dorëzua përfaqësuesve të Drejtorisë së Përgjithshme të Burgjeve.

HermesNews - ©2013

Dërgo me email | Stampo artikullin