28/03/2013 11:51:35

Genci Markollari, akuza për vjedhje rreth 100 mijë Euro në bankë

Hetimet filluan pas pretendimit të një klienti mbi mungesat në llogarinë e vet, fakt që ka çuar edhe në dyshimet e para për humbje të parave në bankë

TIRANE - Pranga bankierit. 37 vjeçari Genc Markollari u arrestua në aeroportin e Rinasit nën akuza për vjedhje. Ai kishte qenë drejtor për 8 vjet brenda një banke, emri i së cilës ende nuk është bërë i ditur nga policia. Ai ishte pushuar nga puna në Dhjetor të vitit të kaluar, paçka se nuk dihet motivacioni. Sipas policisë, kishte mundur që për dy vite të vjedhë nga llogaritë e pesë klientëve VIP, shumën prej 100 mijë euro. Genc Markollari akuzohet për vjedhje me anë të shpërdorimit të detyrës dhe falsifikimit të dokumenteve. Sipas policisë, drejtuesi i bankës nuk e ka kryer i vetëm këtë vjedhje, por u ndihmua dhe nga dy persona të tjerë, emrat e të cilëve për arsye hetimore nuk bëhen publikë. Hetimet filluan pas pretendimit të një klienti mbi mungesat në llogarinë e vet, fakt që ka çuar edhe në dyshimet e para për humbje të parave në bankë.

HermesNews - ©2013

Dërgo me email | Stampo artikullin