28/03/2013 09:23:38

Michelin largohet pas 34 viteve nga Greqia

Prodhimi i gomave transferohet në Rumani

ATHINË - Prodhuesi i njohur francez i gomave të makinave "Michelin" njoftoi mbylljen e filialit të tij në Greqi pas 34 viteve punë duke e transferuar prodhimin e gomave në Rumani. Kompania tha se do ta transferojë prodhimin e saj nga Greqia në Rumani në kuadër të procesit të riorganizimit të operacioneve të Michelin-it në Europën Qendrore dhe Jugore'', njoftoi gazeta greke Kathimerini. Michelin paraprakisht paralajmëroi se prodhimi i kompanisë në Europë është goditur nga ulja e shitjes dhe se nuk është përjashtuar asnjë opsion për adaptim drejt rënies së tregut evropian automobilistik. Kompania e njohur ka 40 fabrika në Europë dhe rreth 64 000 punonjës.

HermesNews - ©2013

Dërgo me email | Stampo artikullin