27/03/2013 10:23:41

INSTAT, rritet tregtia me pakicë

Indeksi i volumit të shitjeve në tregtinë me pakicë në tremujorin e katërt të vitit 2012 arriti 201.4 %

TIRANË - Tregtia me pakicë shënoi një rigjallërim në tremujorin e katërt të vitit 2012. Indeksi i volumit të shitjeve në tregtinë me pakicë në tremujorin e katërt të vitit 2012 arriti 201.4 %. Sipas të dhënave të fundit të publikuara nga INSTAT, Instituti i Statistikave, krahasuar me të njëjtën periudhë të vitit paraardhës, indeksi i volumit të shitjeve në tregtinë me pakicë është rritur 5.5 %, ndërsa krahasuar me tremujorin paraardhës është rritur 12.5 %. Në grupin "ushqime, pije, duhan në njësi tregtare të specializuara" indeksi i volumit të shitjeve është rritur 3.2 % në këtë tremujor krahasuar me tremujorin paraardhës.

HermesNews - ©2013

Dërgo me email | Stampo artikullin