22/03/2013 16:44:44

Ujërat e Fierzës drejt nivelit maksimal

Pavarësisht se dy ditët e fundit reshjet kanë pushuar, niveli i ujrave të liqenit të Fierzës ka arritur në 293,70 metra mbi nivelin e detit, nga 296 metra mbi nivelin e detit që është pika maksimale e ti

KUKËS - Ndërsa po i afrohet pikës së tij maksimale, liqeni i Fierzës është kthyer në një shqetësim për banorët që jetojnë pranë brigjeve të tij, të cilët shprehen se, “ujërat e liqenit rrezikojnë banesat, bashkë me mbeturinat që sjell liqeni pranë brigjeve”.

Pavarësisht se dy ditët e fundit reshjet kanë pushuar, niveli i ujrave të liqenit të Fierzës ka arritur në 293,70 metra mbi nivelin e detit, nga 296 metra mbi nivelin e detit që është pika maksimale e tij. Në këto kushte, ujërat e liqenit u janë afruar ndjeshëm edhe banesave të fshatrave të shtrira pranë tij.

Shqetësim për banorët mbetet niveli i lartë i ndotjes së ujrave pranë brigjeve të liqenit me inerte plastike, etj, të cilat kanë mbuluar sipërfaqe të konsiderueshme të tij.

Kryetari i agjencisë rajonale të mjedisit Petrit Peposhi, shprehet se në këtë periudhë dimri, kjo situatë përsëritet nga viti në vit, kur ujrat e dy Drinave sjellin sasi të mëdha mbeturinash, të cilat derdhen në liqenin e Fierzës dhe pavarësisht masave të marra, situata duket se pak ka ndryshuar situata. Një pjesë e madhe e mbeturinave vjen nga Kosova, përmes Drinit të Bardhë.

Për banorët verilindor, zgjidhja e vetme është kalimi i këtyre ujrave në kolektorë, përmes impianteve të filtrimit.

HermesNews - ©2013

Dërgo me email | Stampo artikullin