19/03/2013 17:38:11

Nën hetim trupi gjykues, avokatët dhe noterja

Gjykatësja Teuta Hoxha dha vendim bazuar mbi dokumenta të fallsifikuara. Prokuroria kërkon pezullimin. Nën hetimin dhe të tjerë

TIRANE - Prokuroria e Përgjithshme i ka kërkuar Këshillit të Lartë të Drejtësisë që gjyqtarja Teuta Hoxha, të pezullohet nga detyra, pasi akuzohet se ka shpërdoruar detyrën. Ajo, sipas Prokuroriëe, ka dhënë vendim gjykate bazuar mbi dokumente të falsifikuara. Të enjten, KLD merr nën shqyrtim kërkesën e bërë nga Prokuroria e Përgjithshme. Kjo e fundit pretendon se gjyqtarja Hoxha, ka marrë nën shqyrtim një çështje civile mes dy familjeve në Bathore, bazuar mbi një kontratë të falsifikuar. Sipas Prokurorisë, gjyqtarja Teuta Hoxha kishte dijeni për falsitetin e dokumenteve e megjithatë ajo ka pranuar t’i marrë nën shqyrtim. Nën hetim dhe noterja që akuzohet se ka njësuar kontratën e falsifikuar, si dhe dy avokatët mbrojtës të çështjes civile në fjalë.

HermesNews - ©2013

Dërgo me email | Stampo artikullin