19/03/2013 12:09:55

Defekti lë verilindjen pa drita

Pa energji elektrike janë; Kukësi, Puka, Kalimashi dhe Kruma

TIRANE - Që nga orët e para të ditës së sotme në disa zona të verilindjes së Shqipërisë ka munguar furnizimi me energji elektrike, për shkak të një defekti të ndodhur në nënstacionin e Fushë-Arrëzit. CEZ njofton se pa energji elektrike janë; Kukësi, Puka, Kalimashi dhe Kruma. CEZ sqaron se arsyeja e mungesës së energjisë është një defekt me çelësin e nënstacionit. Teknikët kanë nisur punën për të zgjidhur sa më shpejt problemin, por CEZ-i nuk publikoi një afat për sistemimin e defektit.

HermesNews - ©2013

Dërgo me email | Stampo artikullin